Mecklemburgu-Pomerania Occidental

Mecklemburgu-Pomerania Occidental, Mecklemburgu-Pomerania del Oeste o Mecklemburgu-Antepomerania (n'alemán: «Mecklenburg-Vorpommern» y en baxu alemán: «Mekelborg-Vörpommern») ye unu de los 16 estaos federaos d'Alemaña. Llenda al norte col mar Bálticu, al oeste col estáu federáu de Schleswig-Holstein, al suroeste col de Baxa Saxonia, al sur col de Brandeburgu y al este con Polonia, más precisamente col Voivodato de Pomerania Occidental (Województwo zachodniopomorskie). Tien una baxa densidá de población, cerca de 72,7 habitantes per km². Delles ciudaes importantes son Rostock, Schwerin, Stralsund, Greifswald, Neubrandenburg y Wismar.